DROTTINN SIGRAR

Skipbrotsmenn á feigðarflaki

flæmdir um á kaldri dröfn,

krepptir óláns kuldataki,

komast og um síð í höfn.

Breyskir, veikir, hrjáðir, hrelldir,

hörmum nístir, sviknir, felldir,

eyðilagðir, ofurseldir,

einnig komast guðs í söfn.

 

Drottinn sigrar, dauðinn tapar.

Dagur brýzt í gegnum nótt.

Drottinn stig af stigi skapar

styrk úr veikleik, mátt úr þrótt.

Drottinn sprengir dróma’ og læðing.

Dauðinn snýst í endurfæðing.

Drottinn gerir nákuls næðing

notabyr að lífsins gnótt.