Úrslit í lagakeppni Hannesarholts Leynist lag í þér?

4. des. 2020

Á afmælisdegi Hannesar Hafstein, 4.desember 2020 voru hátíðahöld dagsin með nokkuð öðrum hætti en áætlað va. Í stað þess að úrslit yrðu tilkynnt á tónleikum í Hannesarholti, voru þau tilkynnt í beinni útsendingu á fésbók Hannesarholts. Fjögur lög urðu hlutskörpust, og má hlýða á athöfnina hér:  https://www.facebook.com/Hannesarholt/videos/138325084456450/    Það bíður nýs árs að viðra fleiri lög úr þeim fjársjóði laga sem fannst með lagahöfundum þessa lands við 48 ljóð Hannesar Hafstein. Við erum enn í sæluvímu yfir þeim fjölda frambærilegra lagasmíða sem dreif að í lagakeppnina úr ólíkustu áttum og horfum með eftirvæntingu til nýs árs, þegar við vonumst til að geta deilt með ykkur frekari gersemum úr þessum fjársjóði. Við erum þakklát dómnefndinni fyrir óeigingjarnt starf, KPMG fyrir að fjármagna verðlaunafé og Sýn fyrir samstarfið. 

Fyrstu verðlaun hlaut Valgerður Jónsdóttir fyrir lag við ljóðið Áraskiptin 1901-2, önnur verðlaun hlaut ЯÚN Guðrún Ólafsdóttir með lag við ljóðið Vísur á sjó og þriðju verðlaun hlaut Fransisco Javier Jáuregui með lag við ljóðið Blessuð sólin elskar allt. Loks hlutu sérstök húsverðlaun Silkikettirnir, þær Guðrún Hulda og Bergþóra Einarsdóttir með lag sem þær nefna Andans dóttir við ljóðið Strikum yfir stóru orðin. Við óskum verðlaunahöfum til hamingju og hlakkar til að heyra meira.

Okkur grunar að afmælisbarnið fagni gróskunni sem "vex í lundi nýrra skóga" - í Hannesarholti. Það gerum við sannarlega og erum stolt og þakklát fyrir þátttökuna í lagakeppnina og uppörvandi skilaboð lagahöfunda, sem margir hverjir þakka innblásturinn sem það hefur veitt þeim að gefa ljóðasafni Hannesar Hafstein frekari gaum.