Syngjum saman í Hannesarholti með Hörpu Þorvalds

  • 9.8.2020, 14:00 - 15:00, Hljóðberg, 1000

Syngjum saman með Hörpu Þorvalds á staðnum og í beinni frá Hannesarholti sunnudaginn 9. ágúst 2020 kl.14.

Hannesarholt hefur síðastliðin sjö ár hlúð að sönghefð íslendinga og boðið upp á klukkustundar fjöldasöng, þar sem textar birtast á tjaldi og allir taka undir með tónlistarfólkinu. Stundinni verður streymt og því getur fólk nýtt sér það sem ekki á heimangengt.

Harpa Þorvaldsdóttir söngkona og tónmenntakennari leiðir stundina þennan sunnudaginn, en hún heldur jafnframt utan um söngstundirnar í vetur eins og undanfarnar annir. Hún er kórstjóri í Laugarnesskóla í Reykjavík og sér meðal annars um morgunsöng þar á hverjum morgni auk vikulegrar samsöngsstundar á Hrafnistu í Reykjavík. Söngurinn er henni mikið hjartans mál, sem sameinar kynslóðir, varðveitir tungumálið og hressir bætir og kætir. Harpa er einnig meðlimur hljómsveitarinnar Brek.

Frítt er fyrir börn í fylgd með fullorðnum sem greiða 1000 króna aðgangseyri. Söngstundin er styrkt af Sumarborginni Reykjavík.