Syngjum saman höfum gaman með Jakobi Frímanni

  • 8.9.2019, 14:00 - 15:00, Hljóðberg, 1000

SYNGJUM SAMAN, HÖFUM GAMAN: 

Hannesarholt hlúir að innsta kjarna íslenskrar menningar: sönghefðinni og býður uppá samsöng fyrir alla, unga sem aldna, íslendinga sem aðflutta, undir stjórn kunnáttufólks.
Við fáum okkar góða Stuðmann, Jakob Frímann, til að leiða okkur gegnum fyrstu söngstund annarinnar í Hannesarholti, sunnudaginn 8.september kl.14. Söngvar frá lýðveldisstofnun til vorra daga við allra hæfi (á aldrinum eins til hundraðogeins).

Jakob leiðir söngstundina, sem er eins og jafnan í Hannesarholti, frítt fyrir börn í fylgd með fullorðnum sem greiða 1000 krónur inn. Textar á tjaldi og allir taka undir með sínu nefi í klukkustund. Syngjum saman er alla jafna tvisvar í mánuði yfir vetrarmánuðina. Allir velkomnir.

Veitingastaðurinn í Hannesarholti er opinn frá kl.11.30 til 17 og risloftið stendur til boða allan daginn.