Stjórn, menningarráð og Hollvinir Hannesarholts

Ragnheiður Jóna Jónsdóttir, formaður

Sigríður Elín Sigfúsdóttir, meðstjórnandi

Guðmundur Hálfdanarson, fulltrúi menningarráðs

Einar Örn Thorlacius, fulltrúi hollvina

Stjórn Hannesarholts skipar fjóra aðila í menningarráð. Hver fulltrúi er  tilnefndur til 2ja ára í senn. Menningarráð er stjórn og  framkvæmdastjóra Hannesarholts til ráðgjafar um stefnumörkun og skipulag  menningarstarfsemi stofnunarinnar.

Guðrún Hrefna Guðmundsdóttir, fráfarandi formaður

Stjórn, Menningarráð og Hollvinir Hannesarholts

Markmið sjálfseignarstofnunarinnar Hannesarholts er að efla jákvæða,  gagnrýna hugsun í íslensku samfélagi, auka skilning á gildi sögunnar  fyrir samtímann og framtíðina og hvetja til uppbyggilegrar umræðu og  samveru.

Öllum ágóða af starfseminni verður varið til uppbyggingar stofnunarinnar.

Hugmyndin að stofnun Hannesarholts er komin frá hjónunum Arnóri  Víkingssyni og Ragnheiði Jónu Jónsdóttur en þau eru jafnframt eigendur  Grundarstígs 10 ásamt fjórum börnum sínum.

Aðrir  stofnendur Hannesarholts eru Salvör Jónsdóttir, Margrét Gunnarsdóttir,  Stefán Örn Stefánsson, Grétar Markússon, Gunnar S. Ólafsson, Páll  Skúlason og Viðar Víkingsson.

Markmið Hannesarholts sem stofnun og menningarseturs

Hannes Hafstein og mótunarár Reykjavíkur

Hannes Hafstein er líklega flestum Íslendingum kunnur ýmist sem fyrsti  ráðherra Íslands eða sem ljóðskáld. Margir þekkja ljóðin hans Hraun í Öxnadal, Sprettur eða hið stórbrotna ljóð Stormur.

Hannes fæddist 4. desember 1861 og lést 13. desember 1922.

Síðustu æviár sín bjó hann ásamt fjölskyldu sinni að Grundarstíg 10 í  Reykjavík og lét sjálfur byggja húsið sem er eitt af 15 fyrstu steyptu  húsum í Reykjavík.

Kona Hannesar, Ragnheiður, lést 1913, þ.e. áður en fjölskyldan fluttist á Grundarstíginn.

Ævisaga hans eftir Kristján Albertsson kom út í þremur bindum 1961, 1963 og 1964.

Árið 2005 kom út önnur ævisaga Hannesar eftir Guðjón Friðriksson sagnfræðing: Ég elska þig stormur – ævisaga Hannesar Hafstein. Bókin var tilnefnd til Íslensku bókmenntaverðlaunanna.

Kvæði hans hafa birst í mörgum útgáfum og eitt þeirra, Hraun í Öxnadal er birt hér fyrir neðan.

„Þar sem háir hólar
 hálfan dalinn fylla“
 ljek í ljósi sólar,
 lærði hörpu að stilla,
 hann, sem kveða kunni
 kvæðin ljúfu, þýðu,
 skáld í mun’ og munni,
 mögur sveita-blíðu.

Rjett við háa hóla,
 hraunastalli undir,
 þar sem fögur fjóla
 fegrar sljettar grundir,
 blasir bær við hvammi
 bjargarskriðum háður;
 þar, til fjalla frammi,
 fæddist Jónas áður.

Brosir laut og leyti,
 ljómar fjall og hjalli.
 Lækur vætu veitir,
 vökvast bakka halli.
 Geislar sumarsólar
 silungsána gylla,
 þar sem háir hólar
 hálfan dalinn fylla.

Reykjavík varð ekki að borg á einum degi og þau voru mörg skrefin sem  þurfti að stíga í því ferli. Hér fyrir neðan eru nefndir nokkrir  áfangar sem skiptu máli fyrir ýmist Reykjavík eða landið allt á ýmsum  sviðum þjóðlífsins. Áfangarnir eru ekki flokkaðir sérstaklega hér heldur  einungis settir í tímaröð.

1862 – Barnaskóli Reykjavíkur tekur til starfa við Hafnarstræti, 1. október 1962 undir stjórn Helga E. Helgsens guðfræðings (grein úr Mbl. 1961).

1871 – Hið íslenska þjóðvinafélag, stofnað af 17 alþingismönnum. Fyrsti forseti þess var Jón Sigurðsson.

1871 – Stúdentafélag Reykjavíkur (grein í Mbl. 1981 á 110 ára afmæli þess).

1872 – Bókaverslun Sigfúsar Eymundssonar stofnuð í Lækjargötu 2.

1874 – Kvennaskólinn stofnaður af Þóru og Páli Melsteð.

1876 – Götulýsingu komið á (olíuluktir).

1876 – Veitingahúsið og gististaðurinn Geysir stofnað af Páli Eyjólfssyni v/Skólavörðustíg (sjá tilkynningu Páls í Ísafold 1876).

1876 – Nikulás Jafetsson stofnar gisti- og veitingahús við Hlíðarhúsaveginn (sjá tilkynningu í Þjóðólfi 1876).

1876 – Læknaskóli (tilkynning um stofnun læknaskóla í Norðanfara 1876).

1879 – Hótel Alexandra, Hafnarstræti 16 (sjá Hafnarstræti 16, Fornleifakönnun  frá 2001).

1879 – Hið íslenska fornleifafélag, fyrsti forseti Árni Thorsteinsson (sjá grein í Þjóðólfi frá 1879).

1880 – Lög um uppfræðingu barna í skrift og reikningi (sjá grein um Alþýðumentun í Fjalkonunni 1886).

1883 – Elliðaár brúaðar (sjá tilkynningu í Ísafold frá 1883).

1882 – Hótel Ísland reist í Aðalstræti.

1885 – Góðtemplararreglurnar Verðandi og Einingin stofnaðar.

1886 – Stórstúka Íslands (sjá frétt í Norðurljósinu 1886).

1890 – Fyrsta skolpleiðslan lögð í Austurstræti.

1891 – Stýrimannaskólinn (sjá frétt um setningu skólans í Ísafold 1891).

1891 – Ölfusá vígð 8. september 1891 (Brúardrápa Hannesar Hafstein).

1894 – Íshús reist við Reykjavíkurtjörn (sjá grein í Ísafold frá 1874).

1895 – Hjálpræðisherinn (frétt af fyrstu samkomu í Ísafold 1895).

1895 – Þjórsá brúuð – vígð af landritara Hannesi Hafstein (sjá grein í Reykvíkingi 1895).

1895-6 – Hellisheiðarvegur – vagnslóði (sjá grein í Skírni 1895).

1897 – Hafin gerð vegar milli  Hafnarfjarðar og Reykjavíkur.

1898 – Holdsveikraspítalinn í Laugarnesi rís, Miðbæjarskólinn (Barnaskóli Reykjavíkur) og Landsbankahúsið einnig. (Um vígslu holdsveikraspítalans í Þjóðviljanum 1898, Miðbæjarskólinn 100 ára í Morgunblaðinu 1998,tilkynning um nýtt Landsbankahús í Ísaflod 1898).

1899 – Kristileg félög ungra manna og kvenna.

1902 – Landakotsspítali (sjá grein í Bjarka frá 1902).

1902 – Fyrsta holræsið lagt í Reykjavík.

1904 -Timburverslun Völundar stofnuð (sjá firmatilkynningar í Þjóðólfi 1904).

1905 – Innanbæjarsími milli Reykjavíkur og Hafnarfjarðar.

1906 – Landssími Íslands stofnaður – ritsímasamband við útlönd.

1906 – Reglulegar kvikmyndasýningar hefjast í Fjalakettinum.

1907 – Fræðslulög – heimilin ábyrg fyrir fræðslu til 10 ára aldurs, skólaskylda 10-14 ára (6 mán).

1908 – Matarbúð SS (sjá Huginn, auglýsingu frá 1908).

1908 – Kennaraskóli (sjá Skólablaðið frá 1908).

1908 – Lagaskóli tekur til starfa (starfaði í 3 ár en fór þá undir lagadeild Háskóla Íslands þegar hann var stofnaður 1911).

1909 – Safnahúsið (Þjóðmenningarhúsið) vígt 28. apríl, byggt fyrir  landsbókasafn og landsskjalasafn. Auk þess fengu forngripasafnið og  náttúrugripasafnið þar inni. Helsti frumkvöðull byggingarinnar var  Hannes Hafstein ráðherra. (Grein úr Þjóðólfi um safnahúsið nýja 2. apríl 1909).

1909 – Vatnsveita Reykjavíkur tekur til starfa.

1910 – Gasstöð Reykjavíkur við Hlemm.

1910 – Fálkinn stofnaður formlega (en upphaf 1904) – sérverslun með reiðhjól.

1911 – Háskóli Íslands stofnaður.

1914 – Eimskip – samgöngubylting með strandsiglingum.

1916 – Hljóðfærahús Reykjavíkur –  Útgerðarfyrirtæki Ellingsens.

1921 – Elliðaárvirkjun tekin í notkun.

Stiklað á stóru um ævi Hannesar Hafstein

Félagið er sjálfseignarstofnun og er nafn þess Hannesarholt. Félagið  starfar samkvæmt lögum nr. 33/1999 um sjálfseignarstofnanir sem stunda  atvinnurekstur.

 Heimili hennar er á Grundarstíg 10 og varnarþing er í Reykjavík.

Stofnendur Hannesarholts eru Ragnheiður Jóna Jónsdóttir, Arnór  Víkingsson, Salvör Jónsdóttir, Margrét Gunnarsdóttir, Stefán Örn  Stefánsson, Grétar Markússon, Gunnar S. Ólafsson, Páll Skúlason og Viðar  Víkingsson.

Tilgangur stofnunarinnar er að efla jákvæða, gagnrýna hugsun í  íslensku samfélagi, auka skilning á gildi sögunnar fyrir samtímann og  framtíðina og hvetja til uppbyggilegrar samræðu um samfélagsleg málefni.  Einnig að hlúa að og skapa rými fyrir uppbyggjandi mannlíf og  menningarstarfsemi.

a. Með ýmis konar viðburðum og sýningum að Grundarstíg 10 í  Reykjavík. Þar verður m.a. fjallað um upphaf borgarsamfélags á Íslandi  og áhersla lögð á upphaf 20. aldar, þegar Íslendingar fengu heimastjórn  og þingræði var fest í sessi en húsið að Grundarstíg 10 var byggt af  Hannesi Hafstein, fyrsta ráðherra Íslands.
 b. Fræðslufundum, listviðburðum, samræðufundum, námskeiðshaldi o.fl.
 c. Aðstöðu til fræðastarfa
 d. Aðstöðu fyrir menningarstarfsemi margvíslegra hópa.
 e. Með vefsíðu sem styður þessa framkvæmd.

Stofnfé stofnunarinnar er 1.000.000  krónur –  einmilljón krónur sem  Ragnheiður Jóna Jónsdóttir og Arnór Víkingsson hafa að jöfnu lagt fram.  Fjármuna til starfseminnar verður aflað með veitingastarfemi, leigu á  húsnæði, aðgangseyri að fræðslu-og menningarviðburðum, framlögum  hollvina Hannesarholts og öðrum styrkjum sem stofnuninni hlotnast.

Stofnunin er staðsett í íbúðahverfi og einsetur sér að starfa í góðu  samkomulagi og friði við íbúa í næsta nágrenni við Grundarstíg 10.

Hvorki stofnendur né aðrir njóta sérréttinda í stofnuninni.Verði  arður af rekstri sjálfseignarstofnunarinnar skal honum einungis  ráðstafað til frekari uppbyggingar í starfsemi stofnunarinnar í samræmi  við tilgang hennar, sbr. samþykktir þessar. Hugsanlegt tap af starfsemi  stofnunarinnar verður greitt úr sjóðum félagsins eða fært á næsta  reikningsár.

Stjórn stofnunarinnar getur ákveðið hækkun stofnfjár með færslu úr  frjálsum sjóðum stofnunarinnar og óráðstöfuðum hagnaði samkvæmt síðasta  endurskoðaða ársreikningi og með arfi, gjöfum og öðrum framlögum, t.d.  framlögum nýrra aðildarfélaga sem stofnunin hefur þegið til hækkunar á  stofnfé. Ef breytingar á samþykktum þessum reynast nauðsynlegar vegna  hækkunar stofnfjár gerir stjórn stofnunarinnar þær. Ekki er heimilt að  hækka stofnfé með viðtöku skuldbindinga um að inna af hendi verk eða  þjónustu.

Sjálfseignastofnun þessi ber ein fjárhagslega ábyrgð á skuldbindingum sínum með eignum sínum.

Í samræmi við tilgang stofnunarinnar er stjórn hennar heimilt að afla  fjár til verkefna hennar sbr . 4. grein  og einnig  með eftirfarandi  hætti:
 Með lántökum frá  fjármálastofnunum.
 Með fjáröflun á almennum markaði.
 Með gjöfum eða arfi sem stofnuninni kunna að berast og með öðrum hætti  sem stjórn stofnunarinnar telur henni vera til hagsbóta og tilhlýðilegt  vera.

Stjórn stofnunarinnar er heimilt að ráðstafa hagnaði sem kann að  verða af rekstri til verkefna stofnunarinnar, í samræmi við tilgang  hennar, en einnig er stjórn heimilt að leggja fjárhæð til hliðar til að  tryggja fjárhagsstöðu hennar.  Framlögum til stofnunarinnar er skipt  þannig:

a)     Almennt framlag til starfseminnar

b)    Sérgreind framlög til rannsókna- og fræðastarfa

c)     Sérgreind framlög til menningarstarfsemi

d)    Aðrar gjafir til stofnunarinnar

Stjórn Hannesarholts ses. skal skipuð fimm einstaklingum og fjórum  til vara: Þrír fulltrúar tilnefndir af 1904 ehf, einn fulltrúi  tilnefndur af menningarráði Hannesarholts (sjá 15. grein) og einn af  hollvinum Hannesarholts (sjá 16. grein). Tveir varamenn skulu tilnefndir  af stjórn 1904 ehf, einn af menningarráði og einn af  hollvinum  Hannesarholts. Varamenn hafa rétt til setu á fundum stjórnar  og hafa þar málfrelsi og tillögurétt. Framkvæmdastjóri Hannesarholts eða  staðgengill hans hefur einnig rétt til setu á stjórnarfundum með  málfrelsi og tillögurétt.

Fyrstu stjórnarmenn og varamenn skulu tilnefndir á fyrsta aðalfundi  Hannesarholts. Tilnefningu stjórnarmanna og varamanna verður í framhaldi  þannig háttað: Árið 2013 tilnefndir tveir fulltrúar og einn varamaður  1904 ehf, og einn fulltrúi og einn varamaður hollvina Hannesarholts;  árið 2014 tilnefndir einn fulltrúi og einn varamaður 1904 ehf, og einn  fulltrúi og einn varamaður menningarráðs Hannesarholts; og þannig koll  af kolli. Stjórnarmenn og varamenn eru tilnefndir til tveggja ára í  senn. Segi einhver stjórnarmaður af sér eða geti ekki gengt  stjórnarstörfum vegna veikinda eða annarra langvarandi forfalla skal  varamaður hans taka hans fasta sæti í stjórninni.

Stjórnarmenn skulu vera lögráða og fjár síns ráðandi og mega ekki á  síðustu þremur árum hafa í tengslum við atvinnurekstur hlotið dóm fyrir  refsiverðan verknað samkvæmt almennum hegningarlögum eða lögum um  sjálfseignastofnanir sem stunda atvinnurekstur, hlutafélög,  einkahlutafélög, samvinnufélög, bókhald, ársreikninga, gjaldþrot eða  opinber gjöld. Auk þess skulu stjórnarmenn vera almennt í skilum og mega  ekki vera skráðir í vanskilaskrár vegna verulegra vanskila. Formaður  stjórnar getur krafið stjórnarmenn og varamenn um gögn er þessi atriði  varða og stjórnarmenn geta krafið formann um sömu gögn. Ef upp kemur,  varðandi meðlimi stjórnar eða varamenn, að einhver þeirra uppfyllir ekki  lengur framangreind skilyrði getur stjórnin með meirihluta greiddra  atkvæða vikið viðkomandi úr stjórn.

Stjórnin skiptir sjálf með sér verkum, en kosnir skulu a.m.k.  formaður, ritari, sem jafnframt skal vera varaformaður og  gjaldkeri.  Stjórnin stýrir öllum málefnum stofnunarinnar og kemur fram  út á við fyrir hönd hennar. Stjórnin skal sjá til þess að skipulag og  starfsemi hennar sé jafnan í réttu og góðu horfi.  Undirskriftir  meirihluta stjórnar skuldbinda stofnunina.

Formaður stjórnar boðar fundi sem skal halda svo oft sem tilefni er  til en ekki sjaldnar en sex sinnum á ári. Hver stjórnarmaður getur  krafist stjórnarfunda.  Sama rétt á framkvæmdastjóri.

Stjórnarfundum stjórnar formaður eða varaformaður í hans stað. Ritari  skal sjá til þess að nákvæm fundargerð, m.a. um hverjir séu viðstaddir,  um ákvarðanir, bókanir og atkvæðagreiðslur, sé haldin. Fundargerðin  skal undirrituð af öllum sem viðstaddir voru viðkomandi fund.

Stjórn er ákvörðunarbær ef meirihluti stjórnar sækir fund. Niðurstaða  mála ræðst af einföldum meirihluta. Falli atkvæði jöfn ræður atkvæði  formanns, eða varaformanns ef formaður sækir ekki fund, úrslitum.  Mikilsháttar ákvarðanir, svo sem kaup og sala fasteigna, lántökur og  gerð samninga um meiriháttar viðskipti, má þó ekki taka án þess að allir  stjórnarmenn hafi átt kost á að kynna sér viðkomandi málefni og fjalla  um það á stjórnarfundi, sé þess nokkur kostur.

Stjórn sjálfseignarstofnunarinnar fer með málefni hennar og eru meginskyldustörf stjórnar eftirtalin:
 a) Að sjá til þess, að skipulag sjálfseignarstofnunarinnar og starfsemi  sé jafnan í réttu og góðu horfi og gæta þess að starfsemi stofnunarinnar  sé á hverjum tíma í samræmi við tilgang hennar samkvæmt samþykktum  þessum.
 b) Að hafa stöðugt og ítarlegt eftirlit með öllum rekstri  stofnunarinnar, m.a. að nægilegt eftirlit sé haft með bókhaldi og  meðferð fjármuna.
 c) Að ráða framkvæmdastjóra stofnunarinnar. Stjórn ákveður laun  framkvæmdastjóra og önnur ráðningarkjör og setur framkvæmdastjóra  starfslýsingu.
 d) Að koma fram fyrir hönd stofnunarinnar fyrir dómstólum og stjórnvöldum.
 e) Að ákveða hvort, og þá hverjum, skuli veitt prókúruumboð umfram það sem mælt er fyrir um í samþykktum þessum.
 f) Að gera tillögur til breytinga á samþykktum þessum.
 Meirihluti stjórnar ritar firma stofnunarinnar.

Stjórnarmenn og varamenn skulu hafa aðgang að öllum bókum og skjölum stofnunarinnar.

Framkvæmdastjóri hefur með höndum stjórn á daglegum rekstri  stofnunarinnar og skal hann í þeim efnum fara eftir þeirri stefnu sem  stjórnin ákveður og fara að fyrirmælum hennar. Til daglegs reksturs  teljast ekki ráðstafanir sem eru óvenjulegar eða mikilsháttar. Slíkar  ráðstafanir getur framkvæmdastjóri aðeins gert samkvæmt sérstakri  heimild frá stjórn, nema ekki sé unnt að bíða ákvörðunar hennar án  verulegs óhagræðis fyrir starfsemi stofnunarinnar. Í slíkum tilvikum  skal stjórn tafarlaust tilkynnt um ráðstöfunina.

Framkvæmdastjóra ber að veita stjórn, stjórnarmönnum, varamönnum og  endurskoðanda allar upplýsingar sem þeir kunna að óska eftir.

Framkvæmdastjóri hefur prókúruumboð fyrir stofnunina vegna allrar  daglegrar starfsemi hennar. Þegar um er að ræða mikilsháttar útgjöld  skal formaður stjórnar, ásamt framkvæmdastjóra, árita reikning til  greiðslu.

Framkvæmdastjóri ræður aðra starfsmenn í samráði við formann  stjórnar. Stjórn ákveður launakjör framkvæmdastjóra og annarra fastra  starfsmanna. Stjórnin ákveður einnig þóknun fyrir setu í stjórn og  menningarráði Hannesarholts.

Framkvæmdastjóri annast reikningshald fyrir stofnunina og skal hann  sjá um að bókhald sé fært í samræmi við lög og venjur og að meðferð  eigna stofnunarinnar sé með tryggilegum hætti.

Aðalfundur  Hannesarholts skal haldinn að hausti hvers árs fyrir 15.  október. Til aðalfundar skal boðað með tilkynningu á heimasíðu og  tölvupósti með a.m.k. tveggja vikna fyrirvara. Rétt til setu á aðalfundi  hefur stjórn Hannesarholts ásamt varamönnum, fulltrúar í menningarráði,  framkvæmdastjóri Hannesarholts og hollvinir Hannesarholts. Allir aðilar  á aðalfundi hafa málfrelsi og tillögurétt en eingöngu stjórnarmenn hafa  atkvæðisrétt.

Kjör fundarstjóra og ritara aðalfundarins

Tilnefning formanns, ritara (sem jafnframt er varaformaður) og gjaldkera

Tillögur um breytingar á skipulagsskrá skulu berast formanni stjórnar  a.m.k. mánuði fyrir aðalfund og berast stjórnarmönnum, varamönnum,  menningarráði og hollvinum Hannesarholts til kynningar a.m.k. tveimur  vikum fyrir aðalfund.

Heimilt er að breyta samþykktum stofnunarinnar og þarf til þess  samþykki allra stjórnarmanna stofnunarinnar á tveimur fundum stjórnar,  sem haldnir skulu með minnst einnar viku millibili, svo og samþykki  þeirra aðila sem hafa lagt fram minnst 2/3 hluta þess stofnfjár sem  farið er með atkvæði fyrir.  Til að auka fjárhagslegar skuldbindingar  aðila þarf þó samþykki  þeirra allra.

Stjórn Hannesarholts skipar fjóra aðila í menningarráð. Hver fulltrúi  er tilnefndur til 2ja ára í senn. Menningarráð er stjórn og  framkvæmdastjóra Hannesarholts til ráðgjafar um stefnumörkun og skipulag  menningarstarfsemi stofnunarinnar. Menningarráðið tilnefnir einn  fulltrúa og einn varamann í stjórn Hannesarholts skv.11. grein.  Menningarráð heldur fundi eins og oft og tilefni er til en ekki sjaldnar  en þrisvar sinnum á ári. Framkvæmdastjóri Hannesarholts situr að öllu  jöfnu fundi menningarráðs og er menningarráði til aðstoðar varðandi  upplýsingaöflun og úrvinnslu hugmynda eftir því sem við á.

Með árlegu fjárframlagi til stofnunar Hannesarholts geta  einstaklingar, samtök, fyrirtæki og stofnanir orðið hollvinir  Hannesarholts. Lágmarks fjárframlag skal ákveðið á aðalfundi  Hannesarholts. Með því að gerast hollvinir stuðla viðkomandi að vexti og  viðgangi stofnunarinnar. Hollvinir öðlast rétt til setu á ársfundi og  hafa auk þess einn fulltrúa og einn varamann í stjórn Hannesarholts.  Einstakir hollvinir skulu tilkynna framboð sitt til stjórnarsetu mánuði  fyrir kjör samkvæmt 10. grein. Séu tveir eða fleiri hollvinir í framboði  skal velja á milli fulltrúanna með kosningu á heimasíðu Hannesarholts  viku fyrir aðalfund. Réttmæti atkvæðagreiðslu verður tryggð með því að  tengja einstök atkvæði við persónubundin lykilorð. Sá fulltrúi hlýtur  kosningu sem fær flest atkvæði.

Reikningsár Hannesarholts er almanaksárið og skal stjórnin ráða  löggiltan endurskoðanda til að endurskoða reikninga  stofnunarinnar. Endurskoðendur má ekki kjósa úr hópi stjórnarmanna eða  starfsmanna félagsins. Fyrsta reikningstímabil er frá stofnun  Hannesarholts til næstu áramóta.

Endurskoðandi skal kanna bókhaldsgögn stofnunarinnar og aðra þætti er  varðar rekstur hennar og stöðu í samræmi við lög og góðar  endurskoðunarvenjur. Endurskoðandi skal hafa lokið endurskoðun  ársreiknings eigi síðar en tveim vikum fyrir aðalfund og skal hann þá  afhenda stjórn endurskoðaðan ársreikning ásamt athugasemdum sínum, ef  einhverjar eru. Endurskoðaður ársreikningur, ásamt athugasemdum  endurskoðanda, skulu lagðar fyrir aðalfund til samþykktar.

Eigi síðar en mánuði eftir samþykkt ársreiknings, þó eigi síðar en  átta mánuðum eftir lok reikningsárs, skal stjórnin senda  ársreikningaskrá ársreikninginn, ásamt skýrslu stjórnar, áritun  endurskoðanda og upplýsingum um hvenær ársreikningurinn var samþykktur.

Með tillögur um sameiningu við annan lögaðila skal farið með sem breytingar á samþykktum þessum.

Komi fram tillaga um slit stofnunarinnar skal greiða um hana atkvæði á  aðalfundi, en slík tillaga getur ekki talist samþykkt nema því aðeins  að a.m.k. 2/3 hlutar stjórnar ljái henni jáyrði. Stjórnin gerir þá  tillögur um hvernig fjármunum hennar sé ráðstafað í samræmi við markmið  hennar eða skyld markmið.

 Þar sem ákvæði samþykktar þessarar segja ekki til um hvernig með  skuli fara, skal hlíta ákvæðum laga nr. 33/1999 um sjálfseignastofnanir  sem stunda atvinnurekstur, svo og öðrum lagaákvæðum sem við geta átt.

Þannig samþykkt á stofnfundi Hannesarholts ses. í Reykjavík þann 5. október 2012.

Smelltu hérna til þess að skoða skipulagsskrá Hannesarholts

Hannes Hafstein: Þagnið, dægurþras og rígur!

Hannes Hafstein, Minningarljóð á 100 ára afmæli Jóns Sigurðssonar 17. júní 1911. 

Þagnið Dægurþras og Rígur. Lag: Tryggvi M.Baldvinsson

Hundrað ára afmæli kosningaréttar kvenna

Heimildarmynd um 100 ára afmæli kosningaréttar kvenna á Íslandi

Eftirfarandi myndband er að  finna á Youtube og sýnir afar skemmtilegar svipmyndir frá Reykjavík árið  1926. Höfundur þess hét Burton Holmes.

Á myndbandinu sést m.a. þegar komið er til hafnar í Reykjavík;  miðbærinn s.s. dómkirkjan og Austurvöllur; börn og unglingar;  lögreglumenn í Reykjavík; glíma; þarfasti þjónninn og fleira. Afar  skemmtileg heimild um liðna tíð.

Reykjavik, Capitol Of Iceland, 1926

Hér má sjá myndband um sögu reykjavíkur árið 1926

Á myndbandinu sést m.a. þegar komið er til hafnar í Reykjavík;  miðbærinn s.s. dómkirkjan og Austurvöllur; börn og unglingar;  lögreglumenn í Reykjavík; glíma; þarfasti þjónninn og fleira. Afar  skemmtileg heimild um liðna tíð

1862 – Barnaskóli Reykjavíkur tekur til starfa við Hafnarstræti, 1. október 1962 undir stjórn Helga E. Helgsens guðfræðings (grein úr Mbl. 1961)

1871 – Hið íslenska þjóðvinafélag, stofnað af 17 alþingismönnum. Fyrsti forseti þess var Jón Sigurðsson.

1871 – Stúdentafélag Reykjavíkur (grein í Mbl. 1981 á 110 ára afmæli þess)

1872 – Bókaverslun Sigfúsar Eymundssonar stofnuð í Lækjargötu 2

1874 – Kvennaskólinn stofnaður af Þóru og Páli Melsteð

1876 – Götulýsingu komið á (olíuluktir)

1876 – Veitingahúsið og gististaðurinn Geysir stofnað af Páli Eyjólfssyni v/Skólavörðustíg (sjá tilkynningu Páls í Ísafold 1876)

1876 – Nikulás Jafetsson stofnar gisti- og veitingahús við Hlíðarhúsaveginn (sjá tilkynningu í Þjóðólfi 1876)

1876 – Læknaskóli (tilkynning um stofnun læknaskóla í Norðanfara 1876)

1879 – Hótel Alexandra, Hafnarstræti 16 (sjá Hafnarstræti 16, Fornleifakönnun  frá 2001)

1879 – Hið íslenska fornleifafélag, fyrsti forseti Árni Thorsteinsson (sjá grein í Þjóðólfi frá 1879)

1880 – Lög um uppfræðingu barna í skrift og reikningi (sjá grein um Alþýðumentun í Fjalkonunni 1886)

1883 – Elliðaár brúaðar (sjá tilkynningu í Ísafold frá 1883)

1882 – Hótel Ísland reist í Aðalstræti

1885 – Góðtemplararreglurnar Verðandi og Einingin stofnaðar

1886 – Stórstúka Íslands (sjá frétt í Norðurljósinu 1886)

1890 – Fyrsta skolpleiðslan lögð í Austurstræti

1891 – Stýrimannaskólinn (sjá frétt um setningu skólans í Ísafold 1891)

1891 – Ölfusá vígð 8. september 1891 (Brúardrápa Hannesar Hafstein)

1894 – Íshús reist við Reykjavíkurtjörn (sjá grein í Ísafold frá 1874)

1895 – Hjálpræðisherinn (frétt af fyrstu samkomu í Ísafold 1895)

1895 – Þjórsá brúuð – vígð af landritara Hannesi Hafstein (sjá grein í Reykvíkingi 1895)

1895-6 – Hellisheiðarvegur – vagnslóði (sjá grein í Skírni 1895)

1897 – Hafin gerð vegar milli  Hafnarfjarðar og Reykjavíkur

1898 – Holdsveikraspítalinn í Laugarnesi rís, Miðbæjarskólinn (Barnaskóli Reykjavíkur) og Landsbankahúsið einnig. (Um vígslu holdsveikraspítalans í Þjóðviljanum 1898, Miðbæjarskólinn 100 ára í Morgunblaðinu 1998, tilkynning um nýtt Landsbankahús í Ísaflod 1898)

1899 – Kristileg félög ungra manna og kvenna

1902 – Landakotsspítali (sjá grein í Bjarka frá 1902)

1902 – Fyrsta holræsið lagt í Reykjavík

1904 -Timburverslun Völundar stofnuð (sjá firmatilkynningar í Þjóðólfi 1904)

1905 – Innanbæjarsími milli Reykjavíkur og Hafnarfjarðar

1906 – Landssími Íslands stofnaður – ritsímasamband við útlönd

1906 – Reglulegar kvikmyndasýningar hefjast í Fjalakettinum

1907 – Fræðslulög – heimilin ábyrg fyrir fræðslu til 10 ára aldurs, skólaskylda 10-14 ára (6 mán)

1908 – Matarbúð SS (sjá Huginn, auglýsingu frá 1908)

1908 – Kennaraskóli (sjá Skólablaðið frá 1908)

1908 – Lagaskóli tekur til starfa (starfaði í 3 ár en fór þá undir lagadeild Háskóla Íslands þegar hann var stofnaður 1911)

1909 – Safnahúsið (Þjóðmenningarhúsið) vígt 28. apríl, byggt fyrir  landsbókasafn og landsskjalasafn. Auk þess fengu forngripasafnið og  náttúrugripasafnið þar inni. Helsti frumkvöðull byggingarinnar var  Hannes Hafstein ráðherra. (Grein úr Þjóðólfi um safnahúsið nýja 2. apríl 1909)

1909 – Vatnsveita Reykjavíkur tekur til starfa

1910 – Gasstöð Reykjavíkur við Hlemm

1910 – Fálkinn stofnaður formlega (en upphaf 1904) – sérverslun með reiðhjól

1914 – Eimskip – samgöngubylting með strandsiglingum

1916 – Hljóðfærahús Reykjavíkur –  Útgerðarfyrirtæki Ellingsens

1921 – Elliðaárvirkjun tekin í notkun

Hér má sjá yfirlit yfir áhugaverða tímapunkta í sögu Reykjavíkur

Ragnheiður Jóna Jónsdóttir - forstöðumaður, stofnandi

Arnheiður Vala Magnúsdóttir - rekstrar-og veitingastjóri

Smelltu hér til að sjá upplýsingar um starfsfólk Hannesarholt

Hannes Hafstein kom víða við á viðburðaríkri ævi sinni og bjó á mörgum stöðum. Smelltu hér til að sjá staðina merkta inn á kort.

Möðruvellir í Hörgárdal
 1861 – Hannes fæðist að Möðruvöllum í Hörgárdal 4. desember 1861.

Reynisstaður í Skagafirði
 1872-3 – Hannes er við nám á Reynisstað í Skagafirði veturinn 1872 og 1873 hjá ömmubróður sínum, Eggerti Briem, sýslumanni.

Lækjargata 8 Reykjavík
 1873 – Veturinn 1873-74 býr Hannes hjá hálfsystur sinni, Þórunni, sem er  gift Jónasi Jónassen lækni. Þennan vetur stundar hann nám til  undirbúnings inntökuprófs við Lærða skólann.

Langaloft
 1874-1880 – Hannes Hafstein stundar nám við Lærða skólann í Reykjavík og dvelur þar á heimavist skólans, Langalofti.

Garður, Kaupmannahöfn
 1880-84 – Hannes fer til náms í Danmörku og dvelur í fjóra vetur á Garði  við Store Kannikestræde, heimavist stúdenta við Kaupmannahafnarháskóla.

Holbergsgade 10, Kaupmannahöfn
 1885-6 – Síðasta vetur Hannesar í Kaupmannahöfn leigir hann herbergi við Holbergsgade 10.

Staðarfell í Dölum
 1886 – Hannes er settur sýslumaður í Dalasýslu 1. september 1886 og  situr á Staðarfelli í Dölum í nokkra mánuði þ.e. fram í desember þegar  Páll Briem er skipaður í stöðuna.

Þingholtsstræti 12
 1886 – Hannes flytur til Kristjönu móður sinnar í desember 1886 í  Þingholtsstræti 12 og hefur aðsetur þar á efri hæð næstu fjögur árin.

Melsteðshús, Rvk
 1889 – Hannes kvænist Ragnheiði Melsteð 15. október árið 1889 og búa þau  fyrst um sinn hjá foreldrum hennar í Melsteðshúsi við Lækjartorg (rifið  1928).

Þingholtsstræti 11, Rvk
 1890 – Hannes og Ragnheiður taka á leigu efri hæðina í Þingholtsstræti  11 (hús Helga snikkara) og flytja þangað líklega í maí 1890.

Smithshús, Amtmannsstíg 1, Rvk
 1892 – Veturinn 1892 kaupa Hannes og Ragnheiður Smithshús (sem svo var  kallað þá, eftir dönskum kaupmanni, Martin Smith), Amtmannsstíg 1, sem  reist var af Stefáni Gunnlaugssyni bæjarfógeta, 1838. Þau fluttu inn  vorið 1893 og bjuggu þar til 1896.

Fischershús, Ísafirði
 1896 – Hannes er skipaður sýslumaður Ísfirðinga. Þá kaupa hjónin  Fischershús á horni Mánagötu og Hafnarstrætis ofarlega á eyrinni, sem  gefið var bæjarfélaginu 1894 í því skyni að það yrði gert að sjúkrahúsi.  Í Fischershúsi búa þau til ársins 1904.

Ingólfshvoll, Rvk
 1904 – Þegar Hannes tekur við embætti fyrsta ráðherra Íslands 1904, flytja hjónin suður
 Þau búa fyrst í Ingólfshvoli (á horni Hafnarstrætis og Pósthússtrætis)  frá vori 1904 til mars 1907. Á neðri hæðinni er Íslandsbanki.  Ingólfshvoll brann 1915 í 

Ráðherrabústaðurinn, Tjarnargötu 32, Rvk
 1907 – Hannes fær nánast gefins húsið Sólbakka við Önundarfjörð  (Flateyri) frá vini sínum Hans Ellefsen norskum hvalveiðisforstjóra  (geldur fyrir það eina krónu) og 1906 er það tekið niður og flutt til  Reykjavíkur. Þar er húsið endurbyggt eftir teikningum/forskrift  Rögnvaldar Ólafssonar á Melkotstúni við Tjörnina- Tjarnargata 32 og  eftir það kallað Ráðherrabústaðurinn. Hannes og Ragnheiður flytja inn í  húsið 26. mars 1907 en síðar er það selt íslenska ríkinu þ. 26. apríl  1909 og þau hjónin flytja út. Árið 1912 flytja þau aftur í  Ráðherrabústaðinn, Ragnheiður deyr 1913 og 1914 flytur Hannes úr  Ráðherrabústaðnum á ný.

Laugavegur 20B, Rvk
 1909 – Hannes lætur af embætti ráðherra og hjónin flytja úr  Ráðherrabústaðnum og búa í nokkra mánuði í íbúð Péturs Hjaltested að  Laugavegi 20B (á horni Laugavegar og Klapparstígs) í nokkra mánuði frá  vori 1909.

Tjarnargata 33, Rvk
 1909 – Bygging Tjarnargötu 33 hefst 1909 eftir uppdráttum Rögnvaldar  Ólafssonar. Vatnsveitan lögð sama ár og í húsinu er miðstöðvarhitun,  baðkar, steypibað og vatnssalerni. Stórt eldhús í kjallara og matarlyfta  á efri hæðinni. Þangað flytja Hannes og Ragnheiður síðla árs 1909.

Kirkjustræti 8B, Rvk
 1914 – Hannes flytur úr Ráðherrabústaðnum, nú ekkjumaður og tekur á  leigu íbúð í Kirkjustræti 8b þar sem hann býr ásamt fjölskyldu sinni í  rúmt ár. Á meðan undirbýr hann byggingu hússins að Grundarstíg 10, í  Þingholtunum.

Grundarstígur 10, Rvk
 Hannes flytur með fjölskyldu sína í nýbyggt húsið að Grundarstíg 10 í  október 1915, en húsið var byggt fyrir hann eftir uppdráttum Benedikts  Jónassonar verkfræðings. Þar býr hann sín síðustu æviár. Hannes deyr 13.  desember 1922.

Hér má sjá yfirlit yfir önnur heimili Hannesar Hafstein ásamt upplýsingum um þau hús

Viltu fá reglulega fréttir af starfinu í Hannesarholti?

Með því að fylla út formið hér fyrir neðan kemst þú á póstlista  Hannesarholts. Fréttabréf eru venjulega send í upphafi hvers mánaðar, en  gott er að líta eftir þeim, vegna þess að fjöldapóstar á við  fréttabréfin frá okkur enda gjarnan utan aðalpósthólfs. Engar kvaðir  fylgja því að vera á póstlista Hannesarholts.

Viltu gerast meðlimur í félaginu Hollvinir Hannesarholts? 

Fyrir þá sem vilja gera meira en að fylgjast með þá er stofnun  Hollvina Hannesarholts góðar fréttir. Í október 2017 var stofnað  formlegt félag Hollvinir Hannesarholts til þess að styðja með ráðum og  dáð við Hannesarholt og hjálpa til að Hannesarholt lifi. Árgjald er 5000  krónur og hægt er að komast í samband við ritara félagsins, Ágústu  Hrefnu Lárusdóttur, í gegnum netfangið: hollvinir@hannesarholt.is

Fáðu upplýsingar um hvað felst í því að vera hollvinur Hannesarholts og hvernig þú getur skráð þig sem slíkan

Hannesarholt hefur látið gera 12 mínútna heimildamynd um Hannes  Hafstein og uppvaxtarár borgarinnar. Guðjón Friðriksson gerði handritið  og Björn Brynjúlfur Björnsson hjá Reykjavík Films gerði myndina. Gestum  og gangandi býðst að horfa á myndina þegar því verður við komið í einni  af vistarverum Hannesarholts. Áhugasamir gefi sig fram við starfsfólk  Hannesarholts eða hringi í síma 511-1904. Myndin hefur hlotið einróma  lof gesta og gefur eftirminnilegt sögulegt samhengi.

(A 12 minute documentary about Hannes Hafstein and the formative  years of the city can be watched upon request at Hannesarholt. The  documentary was made by Reykjavik Films (Björn Brynjúlfur Björnsson) and  the script was written by Guðjón Friðriksson, historian). The  documentary has been widely praised, and offers a historical context.

Hér er hægt að finna upplýsingar um heimildamyndina sem gerð var um líf Hannesar Hafstein

Einn eigenda Grundarstíg 10,  Ragnheiður Jóna Jónsdóttir, býður gesti velkomna í húsið og vonar að  almenningur taki vel á móti faðmlagi fortíðar og njóti hins góða anda í  húsinu.

Hannes Hafstein

Saga

Starfsemi

Hannesarholt